LOL不知不覺已經推出左五周年，一如以往官方舉辦左個周年慶典黎賀一賀佢。而係琴日(8月28號)就進行咗兩場亞洲明星表演賽，由「地表最強隊」(隊員包括：藝人周杰倫、朱楨、林更新、馬可與陳赫)，對決「宇宙天才隊」(隊員包括：韓星金希澈、 李洪基、宋承炫、崔珉煥與李承鉉)。
圖片來源：http://star.ettoday.net/news/764488?from=fb_et_korea
好多人都知道周杰倫係main易大師，但佢今次反而用「狼人」沃維克，一開波就偷咗對面嘅四鬼同紅buff。「地表最強隊」上路嘅伊羅旖打出優勢，力壓對面茂凱，更係4分41秒拎埋First Blood。但係好可惜，中路嘅墨菲特同EZ都俾對方壓住。最後「宇宙天才隊」嘅中路艾克以18/2/9嘅姿態帶領全隊邁向勝利，第一場賽事以22比41嘅比數結束。
係第二場賽事，周杰倫終於拎番自己隻易大師出黎，更順利係6分35秒拎到First Blood。可能因為第一場Minary實力顯得太強，「地表最強隊」選擇壓制Minary嘅發育，一次又一次嘅擊殺，令到Minary係賽事進行到嘅一半已經死左7次。賽事黎到31分鐘，「宇宙天才隊」係巴龍buff嘅協助下，成功以1換5贏左團戰，破埋中路兵營。最後一波團戰，因「宇宙天才隊」嘅Wombo Combo團滅對方，成功取下第二場勝利。
