最近報紙報道旅發局今年攞到政府7千萬撥款黎搞回歸廿年慶祝活動，其中 一個計劃就係喺八月嘅中環海濱舉辦嘅「香港夏日派對」加入大型電子競技賽事，目標係吸引黎自全球嘅機迷訪港。
中環海濱活動空間 （圖片來源：ULifestyle）
旅發局就話已經聯絡咗內地首富王健林個仔王思聰，佢唔單只係職業電競戰隊Invitus Gaming (IG) 嘅老細，仲係大陸網上直播平台PandaTV嘅創辦人，不過暫時未知主辦單位會係邊個。
王思聰同IG戰隊隊員合照（圖片來源：17173英雄聯盟）
其實香港機迷眾多，唔少後生人都示外國職業電競選手為榜樣，有政府投放資源相信香港電競發展可以更加蓬勃。希望到時個活動可以證明到香港有能力同有合適嘅配套設施舉辦大型電競活動，吸引更多外國大型賽事到香港搞分站比賽。同時亦都希望到時嘅比賽會有機會畀到本地嘅戰隊或者選手機會參加外圍賽，始終香港地主場有返隊香港代表大家睇都興奮啲！
唔知到時會唔會有機會見到IVE仔世界冠軍為香港出戰？ （圖片來源：Garena）
